waqif nahi tum apni nigahoon k asar se

Click On Image For Large Size View

waqif nahi tum apni nigahoon k asar se

is raaz ko pucho kisi barbad e nazar se

ek ashk nikal aaya hai yun deeda e tar se

jis trah janaza koi nikle bhare ghar se

rag rag mein iwaz khoon ke , mai daud rahi hai

woh dekh rahe hai mujhe makhmoor nazar se

is trah basar hote hain din raat humare

ek taza bala aai jo ek tal gai sar se

sahra ko bahot naaz hai verani pe apni

waqif nahi shayed mere ujde huye ghar se

mil jayen abd se mere allah ye lamhe

wo dekh rahe hain mujhe manoos nazar se

jayen to kahan jayen khade soch rahe hain

uthne ko Khumar uth to gaye hum us ke dar se

Khumar Barahbankvi

(waqif : jan na;deedah tar :bhegi hoi aankh;rag rag: rom rom; iwaz:badle;mai:sharab;makhmoor nazar :sharabi nazaroo;abd : qyamat ane tak ka waqt)

Intikhab e Nafees